کۆمپانیا چینیەکان ڕوو لە هەرێمی کوردستان دەکەن.
بە ئامانجی بەرەو پێشبردنی ئاستی بازرگانی و بوژانەوەی بازاڕی هەرێمی کوردستان بە ڕووی وەبەرهێنەرانی بیانی، ئەمڕۆ بەڕیز (گیلان حاجی سعید) سەرۆکی یەکێتی هاوردە و ناردنکارانی لقی هەولێر پێشوازی لە شاندێکی کۆمپانیای ( Sinomach-He Chengdu ) کرد بە سەرۆکایەتی بەڕیز ( ماو دێیۆنگ ) بەڕێوەبەری گشتی ئەندازیاری و بە یاوەری هەریەك لە بەڕێزان ( کێڤن ) وەك نوێنەری کۆمپانیا و بەڕێز ( د. موو ) سەرۆکی بەشی زمانی چینی لە زانکۆی سەلاحەدین.
شاندی کۆمپانیا چینیەکە خواستی خۆیان بۆ وەبەرهێنان لە هەرێمی کوردستان دەربڕی و ئەوەیان ڕاگەیاند کە ئاستی ئابوری و بەرقەراربوونی سەقامگیری هەرێم ڕێخۆشکەرە بۆ وەبەرهێنان لە کوردستان دا.
بۆ ئەم مەبەستە سەرۆکی لقی هەولێر بەڵێنی پاڵپشتی و هاوکاری بەردەوامی بۆ دوپاتکردنەوە و ڕێخۆشکەر دەبێت بۆ زیاتر ناساندنی کۆمپانیا کوردیە ناوخۆییەکان بە کۆمپانیا چینی و بیانیەکان لە ئێستا و داهاتوو دا.
لە هەمان کاتدا یاداشتنامەیەکی لێکتێگەیشن لە نێوان یەکێتی هاوردە و ناردنکارانی لقی هەولێر و شاندی کۆمپانیای سینۆماکی چینی واژۆکرا، بۆ هەماهەنگی و کاری بازرگانی بۆ ئاشنا کردنی بازرگانانی هەرێم و کۆمپنیا چینیەکان بە بەرهەمەکانی یەکتر.
لە کۆتاییدا شاندی ناوبراو دیاریێکی تایبەتیان بە سەرۆکی یەکێتی هاوردە و ناردنکارانی لقی هەولێر بەخشی .
![](https://www.uiek.org/wp-content/uploads/2023/03/330209646_890393268741792_7141500564923990176_n.jpg)
![](https://www.uiek.org/wp-content/uploads/2023/03/333516607_213345371232586_8461029402144266765_n.jpg)